كانك قادمة على عرس و عندك برشة أسئلة قاعدة ادور في راسك بخصوص الحياة الزوجية و كيفاش تتصرف مع شريك حياتك ، نجمة اف.ام تقترح عليكم فقرة اسبوعية كل نهار اربعاء في المواضيع الي تهم الزواج

المرة هاذي مدرب التنمية البشرية “بشير بوزويتة” يعطيكم ثلاثة نصائح لحياة زوجية سعيدة

أوّلاً : التّعبير و المشاركة
المرأة وقتلّي تفرح أو تحس ب مشاعر قوية تحب تحكي عليها.. لذا ماتنبزهاش وأسمعها
حاولو تقبلو بعضكم كيما انتم و تعملوش مقارنات لأنو انتوما احسن نموذج لبعضكم
و خوذوها قاعدة : مادام سعيتوا و عملتو خطوة باهية اكيد الخير جاي

ثانياً : إظهار الصّدق و المصداقية
كون تلقائية قدامو و خاصة في مواضيع تهمّكم، يعني إتجنّب الحديث في مواضيع الماضي
كون واضحة معاه لأنّك إنتي مرايتو، باش تكون علاقتكم مبنيّة على الثيقة

ثالثاً : ماتجبدلوش على مواضيع تقلّقو
و قت يكون راجلك متغشّش ما تجبدلوش على مواضيع تقلّقو لأنّو الراجل وقتلي يتغشّش يولّي عنيف ، لأنّو عاطفة الراجل مش كيما عاطفة المرأة ، و ماتجبدلوش على مشاكلك الكل في نفس الوقت. إتفادى إنك إطّوّل القعدة في داركم و قت الغش متاعو باش مايزيدش المشكل يتعمّق

.قومو بتجديد العلاقة بخرجات و إحييوا المناسبات

مدرب التنمية البشرية بشير بوزويتة كانك قادمة على عرس هذا مفتاح الهناء

مدرب التنمية البشرية بشير بوزويتةكانك قادمة على عرس هذا مفتاح الهناءhttps://www.youtube.com/watch?v=dgx6LH5uURc&feature=youtu.be

Posted by Nejma FM on Wednesday, March 28, 2018

 

تابعوا معانا الموضوع القادم : الأحكام المسبقة على العرس

 

 

Laisser un commentaire